Van nalaglag sa bangin: Abogado ng COA todas, 13 sugatan
MANILA, Philippines — Isang abogado ng Commission on Audit (COA) ang nasawi habang 13 ang sugatan nang mahulog sa bangin ang sinasakyan nilang coaster van sa bayan ng Alamada sa lalawigan ng Cotabato.
Sa inisyal na pagsisiyasat, nangyari ang aksidente dakong alas-6:00 ng gabi sa Barangay Barangiran na isang accident-prone portion ng national highway mula Wao, Lanao del Sur at Libungan, Cotabato.
Ayon kay Alamada Police chief Major Brian Espinosa, nahulog ang van sa bangin na may lalim na 20 meters.
Lulan ang mga biktima ng van ng Bureau of Fire Protection sa Bangsamoro Autonomous Region in Muslim Mindanao (BFP-BARMM) na magsasagawa sana ng Operational Readiness Site Inspection.
Nagsasagawa ng follow-up investigation ang pulisya upang malaman ang dahilan ng aksidente.
- Latest