60-anyos magsasaka nalunod sa ilog
LA UNION, Philippines — Isang bangkay ng 60-anyos na magsasaka na pinaniniwalaang nalunod ang natagpuang palutang-lutang sa ilog sa Barangay Ginabang, Bacnotan ng lalawigang ito.
Batay sa ulat ng Police Regional Office 1(PRO1) kinilala ang nasawi na si Alfred Galano ng Barangay Bungol, Balaoan.
Sa inisyal na imbestigasyon, bago nadiskubre ang bangkay ng biktima ay huli itong nakitang buhay noong Oktubre 3 na may mga kainuman malapit sa ilog.
Nabigo itong makauwi ng kanilang bahay kung kaya’t ito ay inireport ng kanyang mga kaanak sa pulisya.
Nakita ng isang lalaki ang katawan ng biktima na nakitang palutang-lutang sa ilog kaya’t agad itong iniulat sa pulisya.
Inaalam pa ng pulisya kung sino ang naging kainuman ng biktima upang malaman kung may naganap na foul play.
- Latest