Lola natupok sa sunog
LUCENA CITY, Philippines — Patay ang isang 87-anyos na lola makaraang kàsamang natupok ng kanyang nasunog na bahay sa Hermanas Capistrano Subdivision 3,Barangay Gulang-gulang, kamakalawa ng madaling araw.
Batay sa ulat, kinilala ang biktima na si Arcelia San Juan, biyuda ng nasabing lugar.
Lumalabas sa pagsisiyasat, ala-1:42 ng madaling araw nang sumiklab ang sunog sa bahay ng biktima at dahil nag-iisa na lamang ito at bedridden ay hindi na makatayo hanggang sa lamunin ng apoy ang bahay.
Nang makarating sa kaalaman ng apo ng biktima na si Krizian San Juan, 31 ang pangyayari ay sumugod ito sa tupok ng bahay upang iligtas ang matanda, subalit napaso ito sa magkabilang kamay ng mga nag-aapoy pang debris ng bahay kung kaya’t mabilis itong isinugod sa Quezon Medical Center.
Umabot ng isang oras ang sunog bago tuluyang naapula.
- Latest