Landslide sa Cavite: Mga bahay natabunan, 100 pamilya inilikas
CAVITE, Philippines — Dahil sa walang puknat na pagbuhos ng malakas na ulan dulot ng bagyong Fabian, nagkaroon ng landslide sa bayan ng General Mariano Alvarez (GMA) at ilang kabahayan ang natabunan sanhi upang ilikas ang nasa 100 na apektadong pamilya kahapon.
Inilagay ang mga inilikas sa barangay hall bilang temporary evacuation center ng Brgy. Poblacion 4 sa GMA para sa mga pamilyang naapektuhan ng landslide.
Nabatid na tuluyang lumambot at bumigay ang ilang bahagi ng lupa na kinatitirikan ng bahay ng may ilang pamilya dulot ng matinding pag-ulan sa lugar.
Wala namang naiulat na nasawi o malubhang nasugatan sa landslide at sa tulong ng GMA LGU at barangay officials ay ligtas na nasagip ang mga apektadong pamilya.
Nagbigay na ng tulong si Mayor Maricel Echevarria Torres sa mga apektado niyang kababayan. Paalala rin nito sa mga mamamayan ng GMA, handa ang lokal na pamahalaan sakaling kailanganin silang ilikas bunsod ng walang tigil na pag-ulan.
- Latest
