Lider ng ‘Padura’ gang, naaresto

CAMP VICENTE LIM, Laguna, Philippines — Naaresto ng mga otoridad ang umano’y notoryus na lider ng “Padura” gang sa isang buy-bust operation sa bayan ng San Pascual ng lalawigang ito.

Kinilala ni Col. Glicerio Cansilao, Batangas police director ang suspek na si Glenn Gilbert De Castro Padura na lider umano ng nasabing grupo na naaresto sa kanyang hideout.

Nakumpiska sa suspek ang pakete na nagla­laman ng shabu na may street value na P65,000.

Nabatid na ang grupo ni Padura ay nag-o-operate sa 3rd District ng Batangas at inaalam pa ng pulisya kung may koneksyon ang grupo sa international drug syndicate na pinanggalingan ng kanilang droga.