Drug den sinalakay, 7 arestado
Naga City, Camarines Sur, Philippines — Kalaboso ang pito katao matapos na maaresto sa ginawang search warrant operation ng Phillipine Drug Enforcement Agency (PDEA) sa bahay na ginagawang drug den sa Brgy. Lerma sa lunsod na ito kamakalawa.
Kinilala ang mga nahuling suspek na sina Bryan Transmer, 31 at Susana Bacod, 30, na siyang mga nagpapatakbo ng drug den; Marcelino Nodado, 42; Bobby Imperial, 52; Mark Omnis,19; pawang residente ng naturang barangay, Carlito Magnate, 64, ng Brgy. Triangulo at Napoleon Bongat, 48, residente ng Brgy. Manayaw Poblacion, Tigaon.
Sa ulat, dakong alas-3 ng hapon bitbit ang search warrant mula sa korte ay magkatuwang na sinalakay ng mga tauhan ng PDEA Camarines Sur, PDEA-Catanduanes at Naga City Police Office sa pangunguna ni provincial officer IA3 Dennis Benitez ang bahay na ginagawang drug den.
Hindi na nakapalag ang pito matapos na paligiran ng mga operatiba ang bahay kung saan nakuha mula sa loob ang siyam na sachet ng shabu na may timbang na 15-gramo at nagkakahalaga ng 102-libong piso at mga drug paraphernalia.
- Latest
