2 kelot nalunod sa Pangasinan
PANGASINAN, Philippines — Dalawang lalaki ang nasawi sa magkahiwalay na insidente ng pagkalunod sa lalawigang ito, kamakalawa. Kinilala ang nasawi na si Lito Malanum, 49, ng Barangay Bonuan Binloc na umano ay nasa impluwensiya ng alak nang ito ay maligo sa isang fishpond.
Ilang oras ang nakalipas ay hindi na ito makita sa fishpond at narekober ang bangkay nito na palutang-lutang sa Mangeregday River, Sitio Russia, Bonuan Binloc. Samantala, isang hindi pa kilalang bangkay ng lalaki ang natagpuang nakalutang sa Pantal River. Inilarawan ang biktima na may taas na 5’5” -5’6”, medium built at nakasuot ng maong short pants.
- Latest