Kotse salpok sa mixer: 1 todas, 1 kritikal
NORTH COTABATO, Philippines — Patay ang isang 23-anyos na lalaki habang kritikal naman ang isa matapos na aksidenteng sumalpok ang sinasakyan nilang kotse sa isang mixer truck sa national highway ng Barangay Lanao, Kidapawan City kahapon.
Kinilala ng Kidapawan City Police ang nasawi na si Elmer Piang, taga-Apo Sandawa ng lungsod habang nagpapagaling sa pagamutan si Carlo Bercero, 23, binata, isang seaman at residente ng Poblacion, Kidapawan City.
Sa ulat ng mga traffic investigators ng Kidapawan City, binabagtas ng dalawang sasakyan ang parehong lane nang maganap ang insidente, alas-4:00 ng madaling araw.
Ayon kay Kidapawan Police Chief Lt. Col Rammel Hojilla, posibleng nakainom ang dalawa o nakatulog ang driver nang mangyari ang insidente, bagay na patuloy pang iniimbestigahan ng pulisya.
- Latest
