3 driver nag-positive sa droga, kakasuhan ng LTO
MANILA, Philippines — Kakasuhan ng pamunuan ng Land Transportation Office (LTO) ang tatlong driver na nagpositibo sa paggamit ng ipinagbabawal na gamot habang nagmamaneho sa isinagawang Oplan Ligtas Kalsada Kontra Droga sa San Fernando, Pampanga.
Ito ang inihayag ni Atty. Clarence Guinto, acting director ng Law Enforcement Service (LES) at Regional Director ng LTO-NCR- West.
Ayon sa opisyal, nagtungo ang mga tauhan ng LES- ADDEU sa San Fernando
Police Station sa Pampanga upang tulungan ang kanilang mga kasamahan sa LTO-Region 3 sa pagsasampa ng kaukulang reklamo laban sa tatlong driver na hindi muna pinangalanan.
Kasama ang tatlo sa 33 driver na sumailalim sa biglaang drug test sa isinagawang operasyon ng pinagsanib na pwersa ng LTO, PNP at DPWH sa southbound lane ng NLEX nitong March 4, 2021.
Ang operasyon ay kaugnay na rin ng pagpapatupad ng RA 10586 o Anti-Drunk and Drugged Driving Act.
Kasabay ng operasyon ay nagsagawa rin ng anti-truck overloading ang ahensya sa Bulacan kung saan aabot sa 23 truck sa 128 truck na ininspeksyon.
Ayon kay Atty. Guinto, ang operasyon ay patunay lamang na sa gitna ng pandemya, patuloy ang pagbabantay ng pinagsamang puwersa ng Land Transportation Office (LTO), Philippine National Police (PNP),Department of Public Works and Highway (DPWH) at North Luzon Expressway (NLEX) upang matiyak na ligtas ang mga biyahero.
- Latest