Magsasaka tinagpas sa leeg ng tinder
PARACALE, Camarines Norte, Philippines — Patay agad ang isang 61-anyos na magsasaka matapos na tagpasin sa leeg ng nagtitinda ng isda sa Purok-2B, Brgy. Pinagbirayan Malaki, Paracale sa lalawigang ito kamakalawa ng tanghali.
Hindi na umabot nang buhay sa pagamutan dahil sa malalim na taga sa kanyang leeg ang biktimang si Nilo Gonzales Jimenez, may-asawa, residente ng nasabing barangay.Arestado naman ang suspek na si William Sale Calajate, 52-anyos.
Sa ulat,dakong alas-11:45 ng tanghali sa hindi pa malamang dahilan habang armado ng mahabang itak sinugod ng suspek ang biktima. Bago pa nakatakbo ang biktima ay agad tinaga sa leeg ng suspek.
Sa tulong ng mga opisyal ng barangay mabilis na naaresto ng mga pulis ang suspek na dala pa ang duguang itak habang tinangka namang isugod sa Talobatib-Labo District Hospital ang biktima pero ideneklara itong dead-on-arrival.
- Latest