Mister todas sa raid
PRIETO DIAZ, Sorsogon, Philippines — Bulagta sa loob mismo ng kanilang bahay ang isang 36-anyos na mister matapos na makipagbarilan sa mga pulis sa inilatag na search warrant operation sa Brgy. San Rafael ng bayang ito kamakalawa ng madaling araw.
Napuruhan ng punglo sa katawan at agad nasawi ang suspek na kinilalang si Bonifacio Villafuerte Betito, may asawa at residente ng naturang lugar.
Sa ulat,dakong alas-4 ng madaling araw bitbit ang search warrant na inilabas ng korte dahil sa impormasyong nagtatago ng ilegal na baril ay sinalakay ng mga operatiba mula sa Provincial Intelligence Unit, Regional Intelligence Division 5 at Prieto Diaz Police ang bahay ni Betito.
Gayunman, palapit pa lang umano ang mga pulis ay pinaputukan na sila ng suspek kaya napilitang gumanti ang mga operatiba na kanyang ikinabulagta. Nakuha dito ang isang kalibre 45 baril at mga bala.
- Latest