Magsasaka ginilitan ng kainuman
LABO, Camarines Norte, Philippines — Karumal-dumal na kamatayan ang sinapit ng isang 50-anyos na magsasaka matapos na karitin siya sa leeg ng kanyang kainumang kapwa magsasaka sa Purok-3, Brgy.Talobatib ng bayang ito kamakalawa.
Patay agad dahil sa malalim na sugat sa leeg ang biktimang si Boy Barcelona habang ang suspek ay nakilalang si Ranny Guzman De Vera, 36, parehong binata at residente ng lugar.
Sa ulat, bago naganap ang insidente ay nakitang masaya pang nag-iinuman ang dalawa. Gayunman, dakong alas-5 ng hapon nang kapwa malasing ay nagkaroon ng pagtatalo ang dalawa na nauwi sa suntukan.
Habang nagbubugbugan, nakakuha ng karit ang biktima at hinambalos sa katawan ang suspek pero naagaw ito ng huli at saka itinarak sa leeg ng una dahilan ng kanyang agarang pagkasawi.
Sumuko agad ang suspek kay kapitan Emmanuel Andaya na nagdala sa kanya sa himpilan ng pulisya.
- Latest
