Rider nabagsakan ng puno, dedo
ZAMBALES, Philippines — Namatay noon din ang isang lalaking rider nang sumalpok ito sa mga puno matapos mabagsakan ng nabaling punong kahoy sa bahagi ng Naval Magazine sa Subic Bay Freeport Zone (SBFZ),kamakalawa ng gabi.
Kinilala ang nasawi na si Alvin Mangosing, may asawa at residente ng Barangay Looc Castillejos, Zambales.
Batay sa ulat, alas-11:00 ng gabi ay minamaneho ng biktima ang kanyang motorsiklo galing sa trabaho at papauwi na sa kanilang bahay at pagsapit sa mapunong lugar ay nabagsakan ito ng nabaling punong kahoy.
Nawalan ng balanse ang biktima at tuluy-tuloy na sumalpok sa isang puno na naging sanhi ng kanyang agarang kamatayan.
Umaapela naman ang nanay ng biktima na si Filipina Mangosing ng tulong pinansiyal mula sa pamunuan ng Subic Bay Metropolitan Authority (SBMA) para sa gastos sa pagpapalibing ng kanyang anak.
- Latest