Tserman, 3 pa utas sa ambush sa Basilan
MANILA, Philippines — Patay ang isang barangay chairman at tatlong iba pa nang tambangan at pagbabarilin ng mga hindi pa nakikilalang salarin sa Sitio Bakud, Barangay Banah, Tipo-Tipo, Basilan kahapon.
Kinilala ni Basilan Congressman Mujiv Hataman, ang mga nasawi na sina Bin Saudi Sarakil, chairman ng Barangay Matata, ba-yan ng Ungkaya Pukan; Usop Abdul Majid, Kain Manisan at Ibrahim Abdulkarim.
Sa inisyal na imbestigasyon, napag-alaman na habang lulan ng isang sasakyan ang mga biktima at bumabagtas sa nasabing lugar nang bigla na lamang silang pinaulanan ng bala ng mga hindi nakikilalang armadong lalaki.
Nagsasagawa ng follow-up operation ang pulisya upang matukoy ang mga salarin at sa motibo sa pananambang.
- Latest