‘Coal projects’ sa Quezon pinakakansela
MANILA, Philippines — Nagpasaklolo na ang mga residente sa lalawigan ng Quezon sa pamahalaan na kanselahin ang patuloy na operasyon at paglawak ng “coal-fired power plants” dahil sa malaking pinsalang dulot nito sa kanilang kabuhayan, kapaligiran at kalusugan.
Sa ginanap na National Day of Action Against Coal na pinangunahan ng energy and climate advocacy networks Power for People Coalition (P4P) at Philippine Movement for Climate Justice (PMCJ), nanawagan din sila sa gobyerno na kanselahin ang mga “coal projects” sa mga pipeline.
“We have long suffered the presence of coal power plants in the name of progress. But we do not benefit from these plants. All we got are sick residents, a ruined environment, and higher risks of destructive typhoons,” ayon kay Fr. Warren Puno, convenor ng Quezonwide environmental group “Quezon for Environment” (Queen) at director ng Ministry of Ecology of the Diocese of Lucena.
Aniya, sa katunayan ay labis na naapektuhan ang lalawigan sa pananalasa ng mga nagdaang bagyon Quinta, Rolly, at Ulysses. Sa kasalukuyan umano, ang lalawigan ay may tatlong coal-fired power plants na may naka-install na kapasidad na 2.2 GW at 3.6 GW na carbon sa pipeline.
“Kaming kabataan ng Atimonan ay lumahok sa National Day of Action dahil kinabukasan namin ang nakataya rito. Kami ang mapeperwisyo kung matutuloy ang mga pagtatayo ng coal plant dito sa Atimonan at iba pang bahagi ng Quezon. Hindi pa ba tayo natuto?” saad ni Bianca Opalda, youth leader ng local group KAPAKANAN.
- Latest
