Obrero kinatay ng katoma
INFANTA, Quezon, Philippines — Nagkabutas-butas ang katawan at namatay noon din ang isang obrero matapos na pagsasaksakin ng nakaalitan sa inuman kamakalawa ng umaga sa Barangay Poblacion 1 ng bayang ito.
Kinilala ang biktima na si Mark Donald Sollano, 28, habang naaresto ang suspek na si Rodel Mendoza, 38, binata kapwa residente ng Purok Bantilan, Poblacion.
Sa ulat ng pulisya, huling nakita ang dalawa na nakikipag-inuman sa kanilang mga kapitbahay nitong Linggo ng gabi subalit nang kapwa malasing ay nagkaroon ng mainitang pagtatalo. Gayunman ay inawat sila at pinauwi sa kani-kanilang bahay.
Nagising na lamang ang magkakapitbahay dakong alas-8:00 ng umaga dahil sa nilikhang muling pag-aaway ng dalawa na humantong na sa suntukan.
Nang bumagsak ang biktima, doon na pinagsasaksak ng suspek subalit nakatakbo at nadapa hanggang sa katayin na nang patalikod na kanyang ikinasawi.
- Latest
