Ex-OFW huli sa P748K shabu
MALOLOS CITY, Bulacan, Philippines — Isang dating overseas Filipino worker (OFW) ang dinakip matapos na makumpiskahan ng nasa P748,000 na halaga ng shabu sa buy-bust operation ng pulisya sa Brgy. Mojon, dito kamakalawa.
Kinilala ni P/Lt.Col. Jaqueline Pyapy, hepe ng Malolos City police ang naarestong suspek na si Maritess Montallana, 46-anyos, may-asawa, tubong Olangapo at kasalukuyang naninirahan sa nasabing barangay.
Ayon kay Col. Puapo, matagal na umano nilang minamanmanan ang ginang dahil sa kahina-hinala nitong kilos at madalas na may mga parokyano sa inuupahan niyang apartment na ginawa niya umanong drug den.
Kaagad na naglatag ng buy-bust operation ang mga otoridad dakong alas-3:20 ng madaling araw at doon nakumpiska ang may 110 gramo ng metampethamine Hydrochloride o Shabu sa loob ng bahay ng suspek.
- Latest