Rider, angkas dedo sa road mishap
SANTIAGO CITY, Isabela, Philippines — Patay ang dalawang lalaki matapos na sumemplang ang kanilang sinasakyang motorsiklo sa Cauayan City ng lalawigang ito, kamakalawa ng hapon.
Kinilala ang mga nasawi na sina Jonathan Garania, 23, tubong Lallo, Cagayan at pansamantalang naninirahan sa Brgy. San Fermin, Cauayan City at Raymond Ramones ng Brgy. Maligaya sa nasabing lungsod.
Sa ulat ng Cauayan City Police, angkas ni Garania si Ramones sa itim na Honda Wave (B102HP) at binabagtas nila ang kahabaan ng kalsada sa Purok 1, Brgy. Marabulig Uno nang bigla silang sumemplang pagsapit sa sa pakurbadang bahagi nito nang sumalpok sila sa gutter ng daan dakong alas-5:00 ng hapon.
Tumilapon ang dalawang biktima at parehong tumama sa isang punongkahoy. Mabilis silang isinugod sa painakamalapit na pagamutan subalit kapwa idineklarang dead-on-arrival dahil sa matinding pinsalang tinamo sa iba’t ibang bahagi ng kanilang katawan.
- Latest