2 rider dedo sa salpukan ng motor

LEGAZPI CITY, Albay, Philippines — Kapwa nalasog ang katawan ng dalawang motorcycle rider matapos na magbanggaan sa gitna ng Maharlika National Highway sa Purok-4, Brgy. Cabangan, Camalig, lalawigang ito kamakalawa ng gabi.

Dead-on-arrival sa Bicol Regional Training and Teaching Hospital ang mga biktimang sina Prince Eric Fruelda, 24- anyos, ng Purok-6 at Mark Anthony Gabriel, 28-anyos, ng Purok-2, Brgy. Maguiron, Guinobatan.

Sa ulat, dakong alas-7:10 ng gabi magkasalubong na binabagtas ang highway ng Yamaha Mio na motorsiklo ni ­Fruelda, angkas ang isang Caradane Fruelda at Suzuki Raider (EC 22436) ni Gabriel ang highway nang magbanggaan sa gitna ng kalsada.

Sa lakas ng banggaan, parehong nawasak ang motorsiklo at duguang tumilapon ang mga biktima. Isinugod sila sa nasabing ospital pero kapwa idineklarang patay ang dalawa habang kritikal ang angkas na si Caradane Fruelda.