27 timbog sa magdamagang drug ops
CAVITE, Philippines – Nasa 27 katao ang dinampot ng Cavite Police sa isinagawang magdamagang drug bust operation sa magkakahiwalay na lugar sa Cavite.
Sa ulat kay P/Col. Marlon Santos, Cavite PPO director, isinagawa ang buy-bust operation sa pagitan ng ala-1:20 ng hapon kamakalawa hanggang alas-5:30 kahapon ng umaga sa magkakahiwalay na lugar sa Cavite.
Sa mga dinampot, nanguna ang Bacoor City na may 4 katao, sumunod ang Tanza, Naic, General Mariano Alvarez (GMA) at Magallanes na may tig-3; tig-2 naman ang Kawit, Dasmariñas City at Silang habang tig-1 naman ang Cavite City, Alfonso, Noveleta, Imus City at Gen. Trias City o kabuuang 27 katao.
Sa nasabing buy-bust operation, tinatayang 48 sachet ng hinihinalang shabu ang nasamsam.
Samantala, sa kampanya naman laban sa ilegal na sugal, pito katao ang dinampot sa Cavite City at Bacoor City habang naglalaro ng bilyar at Lucky 9.
- Latest
