Operator ng pabrika kinain ng makina
CAVITE, Philippines — Patay ang isang operator ng pabrika makaraang mawarat ang katawan nito nang aksidenteng kainin ng mismong makina na kanyang ino-operate sa Brgy. Maduya, Carmona, dito, kamakalawa.
Kinilala ang biktima na si Marvin Rivera, 39-anyos, machine operator ng Best Chemicals and Plastic Inc., na matatagpuan sa nasabing lugar at nakatira sa B3, L18, Carnation Street, Avelina 2, San Pedro, Laguna
Sa imbestigasyon ni P/SSgt Charles Virtudez, alas-5 ng hapon habang abala ang biktima sa paghawak ng makina nang bigla siyang kainin ng makina. Na-stock pa ang biktima ng nasa kalahating oras sa makina bago pa tuluyang naialis ang katawan nito at naisugod sa pagamutan subalit idineklatang dead-on-arrival.
- Latest