‘Tulak’ todas sa Isabela buy-bust
TUGUEGARAO CITY, Cagayan, Philippines – Napatay ang isang hinihinalang tulak ng ipinagbabawal na droga matapos umanong manlaban sa mga awtoridad sa isinagawang buy-bust operation sa kanyang teritoryo sa Brgy. Marabulig 1, Cauayan City, Isabela noong Lunes.
Sa report na nakarating kay Lt. Col. Gerald Gamoba, hepe ng Cauayan City Police Station, kinilala ang suspek na si Daniel Madronio, residente ng nasabing lugar.
Sa imbestigasyon, natunugan umano ng suspek na pulis ang kanyang binentahan ng isang sachet ng shabu at nang aarestuhin ay kanyang binunot ang dalang cal. 38 revolver na paltik. Pinaputukan umano ng suspek ang buyer at mga operatiba na nagsilabasan kung kaya nauwi sa barilan dakong alas-11 ng gabi.
Bumulagta ang suspek at sinubukan pa siyang isugod ng mga mga emergency responders sa ospital subalit patay na ang suspek.
- Latest
