Higit 350 baboy na may ASF, kinitil sa 4 na bayan sa Benguet
TUGUEGARAO CITY, Cagayan, Philippines — Mahigit sa 350 na baboy na positibo sa African Swine Fever (ASF) virus ang isinailalim sa pagpatay ng awtoridad sa apat na bayan sa Benguet kamakalawa.
Tinukoy ni Provincial Veterinarian Miriam Tiongan ang mga bayang apektado na Atok, Itogon, Tuba at ang bayan ng La Trinidad na may pinakamaraming naitala sa bilang na 263 na baboy.
Dahil sa patuloy na banta ng ASF, hinikayat ni Tiongan ang Office of the Civil Defense na gumawa ng hakbang upang mabigyan ng tulong ang mga apektadong hog growers dulot ng kalamidad ng sakit ng hayop.
Naunang nagdeklara na temporary lockdown sa lalawigan si Governor Melchor Diclas noong Pebrero 5 na nagbabawal sa pagpasok ng mga baboy at karne nito mula sa iba pang lalawigan.
Ayon kay Diclas pangunahing sanhi ng pagkalat ng ASF ay ang kinagawian ng mga hog growers na magpakain sa baboy ng mga tira at itinapon na pagkain mula sa mga restaurant at food establishments sa Baguio City.
- Latest