Birthday boy nalunod sa pool
CATANAYAN, Quezon, Philippines — Trahedya sa halip na kasiyahan ang dinanas ng pamilya ng isang 6-anyos na batang lalaking nagdaraos ng kanyang kaarawan matapos na malunod sa swimming pool sa Brgy. Matandang Sabang Kanluran sa bayang ito, kamakalawa ng umaga.
Idineklarang dead-on-arrival (DOA) sa Bondoc Peninsula District Hospital ang biktimang si Mico Dre Batario, ng Barangay 8 Poblacion, Catanayan.
Sa imbestigasyon, nagtungo ang pamilya ng biktima sa Marc and Marcys Resort upang doon idaos ang kaarawan nito. Subalit dakong alas-10:00 ng umaga ay nagtungo sa swimming pool ang biktima at lumangoy. Gayunman, napadako siya sa malalim na bahagi hanggang sa tuluyang lumubog. Nang makita naman ng mga kaanak ng biktima ang nangyari rito ay mabilis na isinugod sa ospital subalit nalagutan din ng hininga.
- Latest
