3 mag-aama na akusado sa masaker, napawalang-sala

TUGUEGARAO CITY, Philippines  - Napawalang sala ng korte ang tatlong mag-aama na dawit sa pagkatay ng limang mi-yembro ng pamilya dahil sa kawalan ng matibay na ebidensiya matapos ang dalawang taong pagdinig sa Gonzaga, Cagayan noong Martes.

Sa hatol ni Aparri Branch 8 Judge Nicanor Pascual, pinawalang-sala si Samson Oandasan,66, at mga anak na si Sammy, 43, at Sam, 30, dahil sa naantalang ebidensya matapos buhatin at dalhin sa punerarya ng mga nagrespondeng pulis ang bangkay ng mga biktima bago dumating ang Scene of the Crime Operatives (SOCO).

Matatandaan na na­tagpuang naliligo sa sariling dugo ang pinagtatagang mag asawang Dizon at Sany Oandasan, mga paslit na anak na sina Wilson, Karen at Dizon, Jr. at kaanak na si Juanito Soliva sa kanilang bahay noong Disyembre 2018. Nakaligtas naman ang bunso na si Denison na noo’y 3-anyos.