Misis binoga ni mister, patay!
Dahil sa kulang na intrega ng suweldo
TUGUEGARAO CITY, Cagayan, Philippines – Bulagta ang isang 23-anyos na misis matapos barilin ng sariling mister na kanyang “sinabon” at inaway dahil sa kulang ang perang inintrega umano sa kanya noong nakaraang suweldo sa Brgy. Malamsit, Peñarrubia, Abra, kamakalawa.
Ayon kay Captain Joseph Dumaya, hepe ng Peñarrubia Police Station, nadatnan ng mga nagrespondeng pulis ang nagkalat na pera sa kuwarto nina Josemar Valera, 29-anyos at misis na si Jenica na patay na nang mairating sa ospital.
Nabatid na nagkaroon ng matinding pagtatalo ang mag-asawa nang kulang sa kalahati ang iniabot ni Josemar sa misis na suweldo nito mula sa pinapasukang construction.
Agad dinakip ng mga pulis si Josemar na mariin pang itinanggi ang krimen. Gayunman, narekober ng mga imbestigador ang cal. 38 revolver na umano’y itinapon ng mister, may 10 metro ang layo mula sa kanilang bahay matapos na mabaril ang asawa.
- Latest
