Grade 12 student huli sa P.6 milyong shabu
CAVITE, Philippines — Isang 17-anyos na Grade 12 student ang nalambat ng pulisya matapos na masamsaman ng nasa mahigit P.6-milyong halaga ng shabu sa isinagawang buy-bust operation kamakalawa ng hapon sa Brgy. San Francisco, Gen Trias City.
Ayon kay P/Lt. Col Marlo Solero, hepe ng pulisya sa lungsod na nasa drug watchlist ang menor-de-edad na1suspek na itinago sa pangalang “Saipodin” na tubong Maguindanao, at residente ng Area 1, Interpassion, Brgy Sta. Lucia, Dasmariñas City, Cavite.
Sa ulat, alas-3:00 ng hapon nang ikasa ng pinagsanib na puwersa ng Drug Enforcemnet Unit (DEU)-Gen. Trias Police at PDEA-4A ang buy-bust sa batang suspek.
Isang miyembro ng pulisya ang tumayong poseur-buyer at nakipag-transact sa batang suspek kung saan bumili ito ng shabu. Gamit ang buy-bust money, nagkasundo sila at nag-abutan ng droga.
Dito na dinakma ng pulisya at nakuhanan ito ng may 100.10 gramong shabu na nagkakahalaga P680,000.00.
Nakakagulat umano na sa edad nito ay bulto-bultong shabu na ang hinahawakan ng batang suspek at nakasama pa ito sa Target ng pulisya . Kasong Violation of Section 5, Article 2 of R.A. 9165 ang kasong kakaharapin nito.
- Latest