Ina sinibak sa leeg ng anak, patay
BAGUIO CITY, Philippines — Karumal-dumal na kamatayan ang sinapit ng isang 70-anyos na balong ginang matapos na tagain ng bolo ng binatang anak na hinihinalang may diperensya sa pag-iisip nitong Linggo ng hapon sa San Ramon East, Manabo, Abra.
Ayon sa Manabo Police, kasalukuyang nagsasampay ng damit na nilabhan ang biktimang si Leonida Carpio Miguel nang lapitan ng 35-anyos na anak na si Ramos, isang magsasaka at walang-sabi sabing tinaga ng itak sa leeg ang ina na agad nasawi sa insidente.
Agad namang nadakip ng mga nagrespondeng pulis ang suspek na nakakulong na sa Bucay Regional Jail at nakatakdang ipasailalim sa psychiatric test.
- Latest