Health workers inambush ng NPA
MANILA, Philippines — Masuwerteng nakaligtas ang mga health worker makaraang paulanan ng bala ng mga rebeldeng New People’s Army (NPA) ang kanilang sinasak-yang multi-purpose vehicle (MPV) sa Kitcharao, Agusan del Norte, kamakalawa.
Sa ulat ni Police Colonel Ramir Perlito Perlas, Provincial Police Office (PPO) Director ng Agusan del Norte, nangyari ang insidente dakong alas-2:00 ng hapon.
Ayon sa opisyal kasalukuyang lulan ng kulay abong Toyota Innova ang mga health worker ng Kitcharao sa pangunguna ni Ingrid Ramos, 46, public health nurse, Jenifer Veterbo, 28, midwife at iba pa na bu-mabagtas sa kahabaan ng Brgy. Road, Kalipayan, Sitio Zapanta Valley, Kitcharao ng lalawigan nang biglang sumabog ang landmine na sinundan ng pagpapaulan ng bala ng mga rebeldeng nakaposisyon sa lugar.
Nabatid na ang nasabing mga health worker ay nagsagawa ng medical mission sa kabilang barangay at pauwi na nang mangyari ang insidente.
Samantala, sinabi ng opisyal na mabuti na lamang at alerto ang driver ng naturang sasakyan na agad humarurot papalayo sa lugar upang walang mapahamak sa kanila.
- Latest