Kelot binoga sa palengke
Legazpi City, Albay, Philippines — Dead-on-the-spot ang isang 30-anyos na binata matapos lapitan at pagbabarilin ng dalawang hindi nakilalang salarin habang namamalengke sa Brgy. San Ramon sa bayan ng Uson, Masbate kamakalawa ng umaga.
Napuruhan sa katawan at agad nasawi ang biktimang si Ryan “Nonoy” Dalanon Lacson, residente ng Brgy. San Antonio sa bayan ng Milagros.
Sa ulat, dakong alas-7:30 ng umaga, namamalengke ang biktima sa talipapa ng barangay nang lapitan ng dalawang hindi nakilalang gunmen at sa hindi malamang dahilan ay bigla itong pinagbabaril.
Agad na bumulagta ang biktima makaraang mapuruhan ng punglo sa katawan habang nagmamadaling tumakas ang gunmen sa hindi malamang direksyon.
Nakuha ng mga pulis sa lugar ang ilang basyo ng bala ng kalibre 45 baril.
- Latest
