HS stude tusta, 32 bahay naabo
MANILA, Philippines — Patay ang isang 14-anyos na estudyante habang nasa 32 kabahayan ang tinupok matapos na sumiklab ang malaking sunog sa Sitio Amor, Brgy. Sambag 1, Cebu City nitong Sabado ng madaling araw.
Kinilala ang nasawi na si Dawn Therese Awi, 3rd year high school student na halos hindi na makilala sanhi ng grabeng pagkasunog ng katawan ng biktima. Sa ulat ng Cebu City Fire Marshal, bandang alas-2:25 ng madaling araw nang matanggap ng mga bumbero ang alarma sa sunog kaya mabilis silang rumesponde sa lugar.
Nasa 50 pamilya rin ang naapektuhan ng sunog matapos na tupukin ng apoy ang tinatayang nasa 32 kabahayan sa lugar. Samantala, maging ang audio at props rooms ng Cebu City Sports Complex (CCSC) ay nadamay sa sunog. Naapula ang apoy bandang alas-4:59 na ng umaga kung saan sinasabing na-trap ang biktima sa loob ng kanilang tahanan na siyang kumitil sa kanyang buhay.
- Latest
