Welder nagulungan ng SUV, patay
SANTIAGO CITY, Isabelan, Philippines — Isang 40-an-yos na lalaki ang nasawi matapos aksidenteng magulungan ng isang SUV sa bayan ng San Manuel, lalawigang ito kahapon ng madaling araw.
Nakilala ang biktima na si Regie Osoteo, 40, residente ng Barangay Babanuang, San Manuel sa nasabing lalawigan.
Sa inisyal na ulat ng pulisya, pasado ala-1:00 ng madaling araw habang binabagtas ng biktima ang kahabaan ng national highway sa Brgy. Babanuang nang biglang mawalan ng kontrol sa manibela ng minamanehong motorsiklo (BC27322) at agad na bumagsak sa kalsada.
Dahil dito, aksidente naman siyang nagulu-ngan ng sumusunod na isang Ford Ecosport (BAA 4415) na minamaneho ni Faisal Natividad, 18, na residente ng Barangay Sili, Aurora, Isabela.
Mabilis na isinugod ng mga rumespondeng kagawad ng Rescue 888 sa pagamutan ang biktima subalit idineklara siyang dead-on-arrival (DOA).
Kusa naman na sumuko sa himpilan ng pulisya ang driver ng SUV matapos ang insidente.
- Latest
