Mister pinatay na, sinunog pa
SAN ANTONIO, Nueva Ecija , Philippines — Karumal-dumal ang sinapit ng isang 39-anyos na mister matapos na paslangin ng mga hindi kilalang salarin ay sinunog pa saka itinapon sa madamong bahagi ng kalsada sa Brgy. San Francisco ng bayang ito, iniulat kahapon.
Sa tulong ng tatay ng biktima, nakilala ang sunog na bangkay na si Allan Loyd Santos, may-asawa, ng Brgy. Rizal, Sta. Rosa, Nueva Ecija.
Ayon kay P/Captain Ronaldo Santos, hepe ng San Antonio Police, tinukoy at kinilala ng isang Danilo Santos, 65-anyos, na ang anak niyang si Allan Loyd ang nakitang sunog na bangkay sa Sitio Sangalang, Brgy. San Francisco, nasabing bayan noong Biyernes
Pinalalagay naman ng pulisya na “personal grudge” ang motibo sa krimen at may matinding galit sa biktima ang gumawa nito dahil sa bukod sa pagpatay ay sinunog pa ito saka itinapon nang malayo ang bangkay.
- Latest
