Kotse vs tricycle: 1 patay, 2 sugatan
Tuguegarao City, Cagayan, Philippines – Utas ang isang tricycle driver habang malubha ang dalawa nitong kaanak na pasahero matapos silang salpukin ng rumaragasang kotse sa highway ng Brgy. Tallungan, Reina Mercedes, Isabela kahapon (Huwebes).
Kinilala ni Captain Mario Discipulo, hepe ng PNP Reina Mercedes ang nasawi na si Jonel Parado habang sugatan sina Marivic 50 at Juan 58 Parado.
Lumalabas sa imbestigasyon na galing sa inuman ang drayber ng Toyota Vios na si Kenneth Kert Ariola, 20, nang lumihis sa kabilang linya at nasalpok ang traysikel dakong alas-3:00 ng madaling araw.
Isinugod ng mga sumaklolo ang mga biktima sa Cauayan District Hospital kung saan idineklarang patay si Jonel.
Isinailalim sa kustodiya ng pulisya si Ariola matapos ang sakuna.
- Latest