Obrero kinatay ng kaanak
TIAONG, Quezon, Philippines – Nagmistulang kinatay na hayop ang isang obrero matapos ataduhin ng taga ng kanyang kaanak habang papauwi sa kanilang tahanan naganap sa Sitio Centro, Brgy. Cabatang, sa lalawigang ito, kamakalawa ng gabi.
Hindi na umabot pang buhay sa pagamutan ang biktimang si Ordonise Dayo, 38, may asawa; habang tugis na ang suspek na si Christian Dayo.
Batay sa imbestigasyon, naglalakad patungo sa kanyang bahay ang biktima kasama ang kaibigang si Gilbert makaraang mag-inuman at maglaro ng bilyar nang sundan ng suspek.
Habang pagiwang-giwang umano sa paglalakad ang biktima dakong alas-8:30 ng gabi ay patraydor itong tinaga ng suspek at nang bumagsak sa lupa ay saka sunud-sunod na pinagtataga pa sa iba’t ibang parte ng katawan saka tumakas.
Isa sa anggulong tinitingnan ng pulisya sa krimen ay ang awayan sa lupa ng magkakaanak.
- Latest