Kakalaya pa lang, tiklo ulit sa droga
LUCENA CITY, Philippines — Tila walang pagkatuto ang isang binata na higit isang taon pa lang laya sa kaso ng droga ay muling nasakote ng mga otoridad at makumpiskahan ng nasa P100,000.00 halaga ng shabu sa isinagawang buy-bust operation sa Purok Buklod Pagkakaisa, Brgy. Cotta, sa lungsod na ito, kahapon ng madaling araw.
Sa ulat ng pulisya, himas-rehas ulit si Francis Lecaros, 22, residente ng nabanggit na lugar at isang taong nakulong sa Talipan District Jail subalit pinalaya ng korte noong July 9, 2018 sa pamama-gitan ng plea bargaining.
Bago ang pagkakadakip sa suspek, may ilang buwan ding isinailalim sa surveillance ang suspek at nang makumpirmang nagpapatuloy ito sa ilegal na gawain ay saka ikinasa ang buy-bust operation dakong alas 2:30 ng madaling araw.
Aabot sa mahigit 27 gramo ng shabu na may street value na P100,000.00, isang piraso ng P1,000 marked money, at pitong piraso ng P1,000 budol money ang nakuha sa suspek.
- Latest