Motor salpok sa poste: 1 patay
SAN ANTONIO, Quezon, Philippines — Hindi na umabot pang buhay sa ospital ang angkas ng isang motorsiklo habang malubhang nasugatan ang kaibigan niyang rider makaraang bumangga sa poste ng kuryente sa gilid ng highway na sakop ng Barangay Pury ng bayang ito kamakalawa ng gabi.
Nagtamo ng grabeng pinsala sa ulo ang nasawing si Joel Balane, 43, ng Tiaong, Quezon samantalang patuloy na inoobserbahan sa ospital ang rider na si Jun Paulo Loisaga, 29, ng Lipa City.
Ayon sa pulisya, sakay ng isang Yamaha Aerox motorcycle ang dalawa at binabagtas ang highway patungo sa Tiaong nang mawalan ng kontrol sa manibela si Loisaga dahil sa kalasingan at tuluyang bumangga sa poste ng kuryente.
- Latest