2 estudyante lumutang sa ilog
MANILA, Philippines — Dalawang Grade 2 student ang natagpuang patay sa ilog at hinihinalang nalunod sa Taytay, Rizal, kahapon ng umaga. Isa sa dalawang biktima ay nakilalang si Ariel Vhenz Diaz, 10, at residente ng 3207 Gennys Avenue, Brgy. Rosario, Pasig City habang inaalam pa ang pagkakakilanlan ng isa pang bata.
Sa ulat, dakong alas-11 ng tanghali nang madiskubre ang mga bangkay ng mga biktima na palutang-lutang sa ilog sa B1 Exodus III Floodway sa Barangay Sta. Ana, Taytay. Isang concerned citizen ang napadaan sa lugar at nakadiskubre sa mga bangkay kaya’t kaagad na ipinagbigay-alam sa mga awtoridad.Kinilala naman ni Ma. Analisa Diaz, 41, ang isa sa mga bangkay na ang kanyang anak na nawawala.
- Latest