Mangingisda gutay sa eksplosibo
LEGAZPI CITY, Albay , Philippines — Nagkagutay-gutay ang katawan ng isang 31-anyos na mangingisda matapos masabugan ng gamit na pampasabog sa pangingisda sa karagatang sakop ng Sibanban Island, Brgy. Denrica, Garchitorena, Camarines Sur kamakalawa ng umaga. Dala sa pag-uwi mula sa laot ng kasamahang kapwa mangingisda ang gutay na bangkay ng biktima na kinilalang si Jeffrey Tablizo Revira ng Brgy. Binagasbasan.
Sa ulat ni Ramon Revira, 48, tatay ng biktima sa Garchitorena Police, dakong alas-11 ng umaga kasama ang nagngangalang “Taba”, pumalaot ang kanyang anak para mangisda gamit ang improvised explosive o pampasabog. Gayunman, dakong alas-2 ng hapon bumalik si “Taba” na dala ang duguang bangkay ng biktima.
Bago pa umano naihagis ng biktima ang pampasabog ay pumutok na ito sa kanyang kamay dahilan ng kanyang agarang kamatayan.
- Latest