Tanggapan ng KAPA, ni-raid ng NBI
NORTH COTABATO , Philippines — Sinalakay ng National Bureau of Investigation (NBI) ang bahay ng founder ng Kapa Community Ministry International Inc. sa Brgy. City Heights, General Santos kahapon ng tanghali.
Bitbit ng NBI ang search warrant na pirmado ng RTC Branch 20 ng National Capital Region kaugnay sa paglabag sa Section 26 ng Securities and Exchange Commission (SEC).
Wala si Pastor Joel Apolinario nang isinagawa ng NBI ang pagsalakay at ang mga abogado lamang at legal team ng KAPA Ministry sa pangunguna ni Atty. Eduardo Pescadero ang dumating at nakipag-usap.
Dahil dito, pansamantalang itinigil ang operasiyon ng KAPA ng pitong araw simula kahapon, araw ng Lunes.
Kaugnay nito, magsasagawa naman ng prayer rally ang lahat na miyembro ng KAPA bukas, sa may Oval Plaza sa General Santos City.
Ang pagsalakay sa mga investment scheme tulad ng KAPA ay kasunod ng pahayag ni Pangulong Duterte na ipasara ang mga ito dahil ito ay scam.
- Latest
