Lolo natusta sa kidlat

CALAUAG, Quezon, Philippines –Natusta ang buong katawan at namatay noon din ang isang lolong mangingisda makaraang tamaan ng kidlat habang nasa karagatang sakop ng Barangay Kuyaoyao kamakalawa ng hapon. 

Kinilala ng pulisya ang biktima na si Jose Bujatin, 60, may asawa at residente ng Barangay Pinagsakayan.

Sa ulat, dakong alas-3:00 ng hapon ay sakay ng kanyang bangka ang biktima at nangingisda sa nasabing lugar nang abutan ng masamang panahon.

Kasabay ng malakas na ulan at kulog ay gumuhit ang kidlat at nasapol ang biktima.