8 menor de edad timbog sa ‘damo’
Cavite, Philippines — Isang grupo ng mga kabataan na nasa edad lamang na 13 hanggang 17 anyos at tatlo pang target na suspek ang naaresto ng Imus Police dahil sa pagtutulak ng Marijuana sa isinagawang buy bust operation sa Barangay Malagasang 2-C, Imus, Cavite kahapon ng madaling-araw.
Kinilala ng pulisya ang mga suspek na sina Rham Christopher alyas MC Larry, 18 anyos; Cyril Boño, 22 anyos, kapwa residente ng Ph. 2 Greengate homes, Brgy Malagasang 2-City, target ng operasyon at ang walong menor de edad na itinago sa mga pangalang Jo,15 anyos; John, 16, estudyante; James, 14 anyos; Keve, 13; Carmelo, 14, estudyante, pawang mga residente ng Brgy. Malagasang; Tin, 15, High School student, residente ng Brgy Victoria, Dasmariñas City; Ruth, 17, student, residente ng Brgy. Salitran, Dasmariñas City; Ana, 14, student, residente ng Brgy Sabang, Dasmariñas City, Cavite.
Sa nakalap na ulat mula kay Cavite Provincial Director Police Sr. Supt. William Segun, alas-4:20 ng madaling araw nang magsagawa ng buybust operation ang Imus Police kasama ang ilang miyembro ng PDEA sa Brgy. Malagasang 2-C at target nito si Rham Christopher na nasa kanilang drugwatchlist.
Marijuana ang binebenta ng mga ito at nang isagawa ang buy bust, dito nila nakita ang mga menor de edad na bukod sa ginawang runner ng mga ito ay gumagamit na din ng marijuana.
Nakuha sa operasyon ang may 11 piraso ng transparent plastic sachet na naglalaman ng mga marijuana.
Itinurn over ng pulisya sa Department of Social Welfare and Development ang mga naarestong kabataan habang diretso sa presinto ang dalawang target ng operasyon.
- Latest