Totoy, mister nalunod sa ilog

TUGUEGARAO CITY, Cagayan  , Philippines  —   Isang 12-anyos na totoy ang nasawi habang nawawala pa rin ang isang mister sa dalawang insidente ng pagkalunod sa Amulung at Lasam, Cagayan kamakalawa. Sa report, ipinahiram pa ng ama ng biktimang si Ronie Santiago, 12, ang motorsiklo nito matapos siyang magpaalam na mayroong aktibidad ang kanilang paaralan sa Batawang creek.

Gayunman, ilang minuto lamang ang nakalilipas ay ibinalita na sa kanilang bahay ang pagkalunod ng totoy dakong alas-2:00 ng hapon.

Samantala, sa bayan ng Lasam, hindi na lumitaw matapos mag-dayb sa ilog mula sa isang puno si Joel Lorenzo, 35, sa gitna ng kasiyahan nilang magkakaanak sa picnic sa Brgy. Sicalao.