Lechon trader utas sa tandem

TUGUEGARAO CITY, Cagayan  , Philippines  —   Isang 56-anyos na trader ang inutas ng isang riding-in-tandem habang naglalako ng panindang litson sa kanyang puwesto sa Brgy. Poblacion, Tayum, Abra kamakalawa. Sa ulat ng pulisya, duguang bumulagta sa kanyang panindang litson si Rodolfo Belleza matapos ratratin ng mga berdugo dakong alas-7:45 ng umaga.

Dalawang basyo ng bala ng kalibre 45 ang narekober sa pinangyarihan ng pamamaril. Gayunman, tumangging isailalm ng pamilya ni Belleza ang kanyang bangkay sa awtopsiya habang patuloy ang imbestigasyon ng mga otoridad sa motibo ng pamamaslang.