Kelot sinalvage, itinapon sa damuhan

TUGUEGARAO CITY, Cagayan , Philippines  —  Isang kelot na hinihinalang biktima ng salvage ang itinapon sa isang damuhan sa isang bakanteng lote sa Brgy. Naganacan, Sta. Maria, Isa­bela kamakalawa. Sa report, may bakas na tinorture at may sugat sa leeg sanhi ng pagkakasakal ng di kilalang biktimang nakasuot ng asul na long sleeves at maong pants na natagpuan ng taongbayang nakahandusay sa damuhan.

Ayon sa pulisya, maaaring pinaslang sa ibang lugar ang biktma at itinapon lamang sa kanilang bayan upang lituhin ang im­bestigasyon. Patuloy na sinisiyasat ng pulisya ang krimen kung may kaugnayan ito sa drug trade.