Magkaibigan durog sa dump truck

LOPEZ, Quezon  , Philippines  —  Patay ang magkaibigang magkaangkas sa motorsiklo makaraang banggain ng kasalubong na dump truck sa Lopez-Hondagua Rd. na sakop ng Barangay Concepcion, kamakalawa ng hapon.

Kapwa nabasag ang mga bungo at nagtamo ng grabeng kapinsalaan sa katawan ang mga biktimang sina Melranie Capistrano, 32, may live-in partner at Jerom Pica, 29, binata, kapwa mga residente ng Barangay Talolong ng nasabing bayan.

Sa ulat, dakong alas-3:00 ng hapon habang sakay ang mga biktima ng isang motorsiklo patungo sa kabayanan nang tumbukin sila ng Isuzu dump truck na minamaneho ni Ruel Alcantara, 49, ng Barangay Danlagan.

Kapwa tumilapon ang mga biktima na una ang mga ulong bumagsak sa sementadong kalye.