P7.1 M shabu samsam, bigtime ‘tulak’ tiklo
MANILA, Philippines — Umaabot sa P7.1-milyong halaga ng shabu ang nakumpiska ng anti-drug operatives kasunod ng pagkakaaresto sa isang pinaghihinalaang bigtime na “tulak” sa isinagawang operasyon sa Brgy. San Roque, Zamboanga City nitong Huwebes ng hapon.
Ang nasakoteng suspek ay kinilalang si Ricky Hassan, 35-anyos, nasa drug watchlist ng pulisya.
Bandang alas-3:00 ng hapon nang mabitag ng mga tauhan ng Drug Enforcement Unit ng Zamboanga City Police ang suspek sa buy-bust operation sa kahabaan ng Wingo Drive, Brgy. San Roque ng lungsod.
Hindi na nakapalag ang target matapos siyang posasan ng mga operatiba sa aktong iniaabot ang dalawang malaking sachet ng shabu na nshabuagkakahalaga ng P7.1-milyon.
Nahaharap ngayon sa kasong paglabag sa Republic Act 9165 o Comprehensive Dangerous Drugs Act of 2002 ang suspek habang itinurnover na sa PNP Crime Laboratory ang nakumpiskang droga siyang.
- Latest
