Obrero nakuryente, nadurog ang ulo
ATIMONAN, Quezon, Philippines — Mistulang na-double dead ang isang construction worker matapos na makuryente ay nahulog at bumagok pa ang ulo nito kamakalawa ng umaga sa Barangay San Isidro ng bayang ito.
Kinilala ng pulisya ang biktima na si Rodel Subeldia, 31, may asawa at residente ng Brgy. Silangan Mayao, Lucena City. Sa imbestigasyon, alas-10:30 ng umaga ay nagtatayo ng improvised scaffolding na kawayan ang biktima sa loob ng ginagawang covered court sa nasabing barangay nang mapahawak ito sa live wire ng Quezelco.
Dahil sa pumasok na malakas na boltahe sa kanyang katawan, nahulog ito mula sa 20 talampakan at una ang ulong bumagok sa semento. Nadala pa ang biktima sa Doña Marta General Hospital subalit nalagutan ng hininga kinalaunan.
- Latest
