Trike vs bus: Rider, backrider lasog
LEGAZPI CITY, Albay , Philippines — Nagkalasug-lasog ang katawan ng isang rider at backrider nito matapos magbanggaan ang sinasakyan nilang motorsiklo at kasalubong na bus sa kahabaan ng Maharlika National Highway sa Brgy. Penafrancia sa bayan ng Daraga, lalawigang ito noong Sabado ng gabi.
Dead-on-the-spot ang mga biktimang sina Kenny Custodio,19-anyos, residente ng Brgy. Banadero at Jessa Mabilin, 22, ng Brgy. Anislag, habang sumuko sa mga pulis ang driver ng bus na si Roderick Betancur, 35-anyos, residente ng Ilang-Ilang Street, Lucena City.
Sa ulat ni Sr. Inspector Mayvelle Gonzales, dakong alas-10 ng gabi, magkasalubong na binabagtas ang highway ng motorsiklo ni Custodio na patungong Poblacion, Daraga at ng DLTB Bus (AQA-6759) na minamaneho ni Betancur na papuntang Sorsogon City nang magbanggaan sa gitna ng kalsada. Sa lakas ng banggaan, nadurog ang motorsiklo kasama ang mga biktima na agad nilang ikinasawi.
- Latest
