Lider ng NPA terrorists, 1 pa sumuko

MANILA, Philippines — Boluntaryong sumuko sa tropa ng militar ang lider ng isang grupo ng rebeldeng New People’s Army (NPA) at isa nitong tauhan sa New Bataan, Compostela Valley kamakalawa.

Kinilala ni Captain Rodel Bacani, spokesman ng 10th Infantry Division (ID) ng Philippine Army (PA) ang nasakoteng opisyal ng NPA na si alyas  Ka Jay Ar, team leader ng Baking Primera ng Guerilla Front (GF) 25 at kasamahan nitong tinukoy lamang sa alyas na Ka Chong na kapwa sumasailalim na sa tactical interrogation ng militar. 

Sinabi ni Bacani na sina Ka Jay-Ar ay sumurrender sa tropa ng 66th Infantry Battalion (IB) ng PA.

Isinuko rin nila ang ka­nilang mga armas na kinabibilangan ng isang 57 caliber anti-tank personnel recoilless rifle  na gamit ng GF 15 at GF 25 ng NPA re­bels sa serye ng engkuwentro laban sa tropang gobyerno nitong mga nakalipas na taon.

Ang dalawa ay bahagi ng grupo ng NPA na nag-ooperate sa bahagi ng balwarte ng Sub-Regional Committee 1 ng Southern Mindanao Regional Committee.